رسائل الجيميل ... رسائل من لا كرت له

كم مرة جوالك فصل وبدك ترسل رسالة مهمة من الجوال ومعرفتش

الآن حلينا المشكلة

من حوالى العام والنصف ظهرت موضة رسائل الجيميل لأي جوال في فلسطين وغيرها

وكنت أسمع من الكثير أنه لم يظهر فى حسابه الشريط الذي يقوم من خلاله بالإرسال

ولا أدري لماذا

بالنسبة للناس الي نفع معاهم فكان للبعض إنطباع وهو كالتالى:

يباعم هدول براقبوا الرسائل ..يعنى وهو في حد بيعمللنا إشي عشان سواد عنينا !

بلاش تبعت شيفرات عسكرية يا فالح

لكني في هذا الموضوع لست بصدد الحديث عن نظريه "المؤامرة" بل إيضاح بعض مزايا وخصائص هذه الخدمة

أولاً كيف تضيف رقم

زي منتوا شايفين

بتكتب الرقم هنا ---------)

ولازم تكبس "Enter" وبعدين بتكبس

وبعدين بتحط الإسم هنا

خلص هيك إتسجل إسم الشخص المستهدف

مش قصدي مستهدف بالمعني الغزاوي

بعد ما تكون إسم ورقم بيطلعلك زي هيك

ثانياً : إرسال الرسائل

بعد كتابة نص الرسالة

يتم إرسالها للرقم المطلوب

وهيك يظهر على جوال المتلقي

هادى مش شتيمة عفكرة

ملاحظة هامة جداً ركز معايا شويتين

في البداية يعطيك جيميل 50 رسالة بمجرد الإشتراك طيب لما يخلصوا إيش بدكو تسوو يا حلوين.

هلقيت لازم ينعمل رد من إليي وصلتو رسالتك على نفس الرقم إلي وصلتو منك وهو رقم غريب غالبا هو سيرفر الجيميل

فالذي وصلتو رسالة من الجيميل وبدو يرد يعمل "رد" أو ريبلاي عشان يزود رسائل صاحبوا بـ 5 رسائل

وومكن تبعت لجوالك إنتا من جيميلك وتعمل رد لحالك بإختصار "كلم حالك"

مثلا رديت 4 مرات بتاخد 17 في الجيميل يعني كسبت 13 رسالة

من لاتنفعه رسائل الجيميل

إذا كان عنوانك لايدل على إسمك

مثلا إسمك " تعيس طناجر" وإيميلك "الكتكوت الشرس"

وإلا يجب كتابة إسمك آخر الرسالة وهيك بتكون ضيعك أحرف عزيزة عليك وممكن تصير الرسالة رسالتين.

في مدح الجيميل

إشترك في الجيميل .. ولا تقلق

فإنه جميل .. ولا يعلَق

يرسل رسائل .. ولا تعرق

وإذا جوالك طفي .. أو كرتك فصلك

إشترك في الجيميل .. ولا تقلق

وآخر دعوانا أن الحمد لله رب العالمين

ودمتم سالمين